Dalubhasaan ng mga Umuusbong na Mag-aaral ng Araling Filipino

Ang DANUM, Dalubhasaan ng mga Umuusbong na Mag-aaral ng Araling Filipino, ay isang propesyonal na organisasyon ng mga mag-aaral ng kursong Philippine Studies medyor sa Filipino sa Mass Midya na nagnanais paglingkuran ang Pamantasan at ang bansa sa pamamagitan ng pagtataguyod ng mga makabayang gawain at makabuluhang pamamalakad sa iba’t ibang uri ng midya.

Kaming mga kasapi ay naniniwalang tinawag upang maging isang matagumpay na Kristiyano para sa Diyos at para sa bansa, at ginagabayan ng mga Lasalyanong diwa ng kasipagan, pagtitiwala at pagkakaisa. Kami ay nagsama-sama sa pagtataguyod ng organisasyong ito upang maging instrumento ng pagbabago sa pamamagitan ng pagsasagawa ng matapat at makabayang paglilingkod upang linangin ang sariling wika, kultura, at midya ng bansa.

MISSION

Sa pamamagitan ng pagsasagawa at pangunguna sa mga proyekto at gawaing mahahalaga at makabayan, tulad ng mga pantas-aral at salu-salo na siyang magiging lagusan ng wika, kultura at paniniwalang Filipino, muling panunumbalikin ng DANUM ang sigla ng bawat Pilipino sa pagtataguyod at pagbibigay halaga sa sariling wika at kultura. Makikiisa ang DANUM sa Departamento ng Filipino sa pagbibigay serbisyo na makapagtataguyod ng matatapat, makatarungan, at propesyonal na mga mag-aaral na nagpagpapahalaga sa wika, kultura, at sining ng bansa, mayroong malalim na kamalayan sa mga mahahalagang usaping panlipunan, at inaasahang mangunguna sa mga pagbabagong kahaharapin ng Pamantasan at ng bansa.

VISION

Natatanaw ng DANUM ang kanilang mga kasapi bilang mga instrumento ng pagbabago at pag-unlad ng industriya ng midya at ng bansa. Nakikita nito ang isang komunidad na nagpapahalaga at patuloy na nagpapayaman sa Kulturang Pilipino at kumikilala sa Wikang Filipino bilang isang wikang makapangyarihan, habang patuloy na naglilinang ng mga Pilipinong nagtataguyod ng pagmamahal sa sariling wika at kultura.

DANUM

MISSION

VISION

FLAGSHIP EVENTS